Hönnunarferli
Hönnunarhugsun er framkvæmd eftir hönnunarferli. Ferlavæðing hönnunarhugsunar hefur oft verið kennd við hönnunarfyrirtækið IDEO og hugmyndasmiði þess, David og Tom Kelley ( Brown, 2009, Rieple, 2016). Vinna þeirra byggir á fimm megin þrepum hönnunarhugsunar, þrep sem eru ólínuleg og geta því verið endurtekn, framkvæmd samhliða eða farið til baka í fyrri þrep, hvenær sem er í ferlinu.
Hluttekning ( e. Empathize): Upphafsþrepið nefnist samkennd eða að setja sig í spor annara. Þar er lögð áhersla á að skilja þarfir, reynslu og sjónarmið hugsanlegra notenda eða hagsmunaraðila. Markmiðið að tryggja að verkið sé unnið sem mest útfrá sjónarhorni og hugarheimi notandans en ekki þess sem vinnur að þróunarverkefninu. Aðferðir sem eru notaðar eru td. rannsóknir, áhorf, athuganir eða viðtöl (Brown, 2008). Hlutekning veitir víða innsýn í verkefnið.
Afmörkun viðfangsefnis (e. Define): Á þessu stigi er unnið úr öllum þeim upplýsingum sem safnast hafa saman og áskornunin eða vandamálið skilgreint (Brown, 2008). Þetta felur í sér að ramma vandamálið inn á þann hátt sem stýrir síðari stigum hönnunarferlisins.
Hugmyndun (e. Ideate) : Þetta stig i einkennist af hugmyndavinnu þar sem viðfangsefnið er skoðað út frá ólíkum áttum og leitast við að „hugsa út fyrir boxið“ til þess að kanna nýjar lausnir. Mikilvægt er að allar hugmyndir fái möguleika á að þróast, en séu ekki stoppaðar af fyrirfram gefnum hugmyndum (Brown, 2008). Ýmsar aðferðir eru notaðar á þessu stigi til að örva sköpunargáfu og laða fram fjölbreyttar hugmyndir m.a. hugarflug (e. brainstorming) sem byggir á virku opnu samtali, hugakort (e. mindmap) o.fl. (Kelley & Kelley, 2013).
Frumgerð (e. Prodotype): Frumgerð felur í sér að taka valdar hugmyndir og vinna ódýrar fljótlegar áþreifanlegar útfærslur af henni til prófunar fyrir áframhaldandi þróun. (Brown, 2009). Vinnsla frumgerðanna er talin vera ákveðið lærdómsferli út af fyrir sig og vísað er til vinnslu frumgerða sem leiðar til þess að „mistakasthratt“ (e. fail fast) og geta þá fært sig yfir í aðrar lausnir sem geta gefið betri árangur.
Prófun (e. Test): Frumgerðirnar eru prófaðar og metnar af notendum til að meta virkni þeirra, skilvirkni og safna upplýsingum. Upplýsingar úr prófunum eru svo nýttar til að breyta og bæta hönnunina. Endurgjöf og innsýn má fá t.d með notendaprófunum (Brown, 2008).
