Hannaðu og búðu til hlut fyrir gæludýr
Fylgdu hönnunarferlinu til að koma hugmynd þinni í framkvæmd
Rannsókn
Byrjaðu á að velja gæludýr sem þú vilt hanna fyrir. Búðu til hugakort þar sem þú veltir fyrir þér þeim hlutum sem hægt er að hanna og búa til handa gæludýrinu. Byrjaðu að skrifa heitið á dýrinu á mitt blaðið og bættu svo öllu sem þér dettur í hug sem tengist því. Hugaðu að virkni, tilgangi, notagildi.
Þrjár hugmyndir
Teiknaðu eða lýstu þremur mismunandi hugmyndum sem leysa vandann sem þú skilgreindir.
Besta hugmyndin
Veldu eina af þeim hugmyndum sem þú komst með og skrifaðu afhverju þú valdir þessa en ekki hinar. Bættu við smáatriðum og útskýringum sem eru mikilvægar fyrir hönnunina.
Bingó!
Nú ættir þú að vera komin með góða útskýringu á hugmyndinni þinni og getur fært þig yfir á næsta skref sem er að gera frumgerð.
Frumgerð
Teiknaðu bestu hugmyndina þína með aðstoð tölvustuddrar hönnunarforrita. Notaðu myndskeiðin hér á síðunni þér til stuðnings
Tölvustudd hönnun (CAD)
Ein leið til að búa til frumgerðir er með notkun tölvustuddrar hönnunarforrita. Skoðaðu hvaða forrit eru í boði og hvort þú getir nýtt eitthvað af þeim. Einnig er til mikið magn af myndskeiðum sem þú getur nýtt þér
Tölvustudd framleiðsla (CAM)
Ein tegund af tölvustuddri framleiðslu er með notkun þrívíddaprentara. Fyrst þarf að teikna upp hönnunina í tölvustuddu hönnunarforriti og í framhaldi er hægt að prenta með þrívíddaprentara
Aðrar lausnir
Hvaða aðferðir og efnivið getur þú notað til að koma hugmyndinni þinni í áþreyfanlegt form?
Prófa og meta
Skoðaðu hönnunina þína stafrænt og legðu mat hvort að það þurfi að breyta eða bæta.
Breyta og bæta
Gerðu viðeigandi breytingar til að bæta hönnunina.
Framleiðsla
Þegar allt virkar sem skyldi er komið að framleiðslu. Einn valmöguleiki er að nota þrívíddaprentara til að prenta út gæludýrið.
Markmiðið er að framleiða hönnunina þína
Fullbúið eintak
Þegar allt virkar sem skildi er komið að því að búa til lokaafurðina!
Kennaraleiðbeiningar
Verkefnið: Gæludýr leggur áherslu á að hanna út frá öðrum. Hér þurfa nemendur að fara í rannsóknarvinnu og setja sig í spor gæludýrsins.
Áætlaður tími í verkefnið: Fjórar kennslustundir, þar sem hver kennslustundin er 40 mínútur.
Undirbúningur kennara:
- Vera með skissubók fyrir nemendur eða notast við blöð og blýant
- Stofna aðgang fyrir nemendur í Tinkercad
- Hafa innskráningarkóðann sýnilegan
Uppbygging kennslustundar:
- Innlögn kennara
- Nemendur vinna sjálfstætt á meðan kennari leiðbeinir
- Yfirferð, jafningjamat
- Nemendur leggja lokahönd á verkin sín
- Sjálfsmat
Hæfniviðmið úr aðalnámskrá sem tengjast verkefninu:
- Sjá hæfniviðmið úr Aðalnámskrá í töflu hér að neðan
Námsmat:
- Leiðsagnarmat í kennslustund
- Nemendur fylla út sjálfsmatið í lok verkefnisins.
- Jafningjamat í yfirferð
- Loka frammistöðumat þar sem verið er að prófa hæfni nemenda við að beita þekkingu sinni og leikni. Kennari er þannig ekki að meta lokaafurð heldur ferlið í heild sinni.
Yfirferð:
- Þegar nemendur eru komnir að þættinum prófun er farið í jafningjamat með yfirferð. Þá varpar kennari verkum nemenda uppá og nemenda segir frá hönnunninni í stuttu máli. Samnemendur ræða hönnunina. Kennari leiðir umræðuna og endurtekur góðar athugasemdir frá nemendum. Einnig er hægt að ntoast við grunnþætti og meginreglur hönnunar þegar talað er um verkið. Í framhaldi metur hönnuður hvort að það þurfi að gera breytingar eða fara á næsta stig.
Sjálfsmat:
- Við lok verkefnisins fylla nemendur út sjálfsmat
